Mintzapraktikaren helburua oso argia da: euskaraz aritzeko guneak sortzea. Horretarako, astean behin ordubetez elkartzen dira euskaraz hitz egiteko prest dauden lagunak eta ikasleak, giro lasaian eta euskaraz aritzeko gogoz. Ohiko moduan, saioak asterokoak dira, baina parte-hartzaileen beharretara moldatutako taldeak ere sortzen ari dira azken urteotan.
Getxon, euskaraz praktikatzeko eskaintza zabala da: kafe baten bueltan elkartzen diren taldeez gain, yoga, mendia, bizikleta, mahai-jolasak edo egur-tailua bezalako zaletasunakaz uztartuta sortu dira ekimenak. Izan ere, euskaraz aritzeko gogo hutsa da behar den oinarria, baina gero hortik aurrera aukerak amaigabeak dira.
Egizu elkarteak gogoratu duenez, iaz 8.000 euskaltzale inguru mugitu ziren Mintzapraktika egitasmoan Euskal Herri osoan, aurrez aurre zein online.
Interesa dutenek informazio osoa eta izen-emate orria eskuragarri dituzte, hemen.