Getxoko Udalak galibo bat jarriko du metroaren azpiko tunelean, Algortan, ibilgailu altuak harrapatuta gera ez daitezen

Iker Rincon Moreno 2025ko urr. 1a, 11:58
Deskargatu Info Ahotsak :
Español English Français Català Galego

Duela gutxi autobus bat harrapatuta gelditu zen tunelean.

Algortako Bolueko aldapako tunelean, metroko trenbidearen azpian, urteotan izandako istripuak ekidite aldera, Getxoko Udalak iragarri du galiboak jarriko dituela beheranzko noranzkoan eta igoera hasi aurretik. Udal-iturriek gogoratu dute gaur egun bost seinale daudela 2,5 metroko altuera muga dagoela ohartarazteko, baina oraindino "gorabeherak" daudela.

EH Bilduk abenduan egin zuen eskaera hori, eta PPk babestu zuen, seinaleztapena nahikoa ez zela argudiatuta. Garai horretan, gobernu-taldeak ez zuen uste beharrezkoa zenik neurri osagarriak hartzea, egungo seinaleak nahikoak zirelakoan. Hala ere, istripuen maiztasunak jarrera-aldaketa behartu du eta, irailaren 18an, koalizio abertzaleak gaia mahai-gaineratu zuen berriro ere Lurralde Batzordean, eta udal-gobernua neurriak hartzeko prest agertu zen.

Jendartea Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun