Bizkaiko Bertsolari Txapelketa bere lehen faseko azken txanpara iritsiko da. Aste-akabuan azken bi saioak jokatuko dituzte: zapatuan, urriaren 11n, Galdakaoko Torrezabal Kultur Etxean, eta domekan, urriaren 12an, Getxoko Muxikebarriko Arrigunaga aretoan. Saio bietako irabazleek zuzenean egingo dute jauzia finalaurrekoetara, eta gainerakoek puntuazioaren arabera izango dute aukera.
Getxoko saioan honako sei bertsolari hauek ariko dira: Aitor Esteban, Ibai Amillategi, Janire Arrizabalaga, Koldo Muñiz, Mikel Goiriena eta Peio Molinuevo, Leire Garatxena izango delarik gai-jartzailea. Gainera, Galdakaoko saioan Paule Loizaga algortarra ere arituko da.
Sarrerak www.bertsosarrerak.eus atarian eros daitezke, eta soberan geratzen direnak txarteldegian jarriko dira salgai saioa hasi baino ordu erdi lehenago.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!