Azaroaren 1ean, Domu Santu Eguna dela-eta, Getxoko udal-hilerriak bisita-ordutegia luzatuko du eta Udaltzaingoak barrutirako sarbidea kontrolatuko du.
Urriaren 27tik, astelehena, hilaren 31ra arte, ordutegia 07:15etik 20:00etara izango da, etenik gabe. Zapatuan, azaroak 1, ordutegia 08:00etatik 20:00etara izango da. Domekan, hilak 2, ohiko ordutegia izango da berriro, 09:00etatik 18:00etara.
Udaltzaingoak aparkatzeko lekuak jarriko ditu eta kanpoko zirkulazioa kontrolatuko du. Beharrezkoa izanez gero, norabide bakarreko zirkuitua ezarriko da Bostgarrena kalean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
