Diru kopuru horretatik, 189.542 euro bost elkartek sinatutako dirulaguntza-hitzarmenetara bideratu dira: Begihandi Kultur Elkartea (Getxophoto Irudi Jaialdia antolatzeko), Utopian Sozietate Kooperatiboa (arte eszenikoen sorkuntza eta erakustaldietarako), Alday Patronatua (tokiko elkarteei eskaintzen dien espazioa kudeatzeko), Andres Isasi-Musikalia elkartea (musika jarduerak eta banda sustatzeko) eta Ondarreta abesbatza (aldi baterako lokalaren alokairurako).
Horrez gainera, 19 kultur elkartek jaso dituzte 154.000 euro ohiko dirulaguntzen programaren bitartez, euren jarduerak finantzatzeko. Programak 2012az geroztik emoten die babesa irabazi-asmorik gabeko taldeei, udalerriko kultur eskaintza indartzeko eta herritarren parte-hartzea sustatzeko asmoz.
Getxo Kulturaren arabera, dirulaguntzek "kultura bizia eta parte-hartzailea” bultzatzen dute, eta tokiko kolektiboen lana “funtsezkoa da udalerriko kultur dinamikan”.