Argia Fundazioa eta Red Eraldatuz elkarteen eskutik, liburu, jostailu eta zeramikazko pieza ugari egongo dira salgai. Bildutako diru guztia Getxoko saltokietan (SolidariUP-en kide direnetan soilik) erabiltzeko bonuak sortzeko erabiliko da. Horri esker, kalean bizi direnek egunerokoan behar dituzten produktuak eskuratu ahal izango dituzte.
Azoka Algortako San Nikolas plazan izango da domeka honetan, azaroaren 9an, 11:00etatik 14:30era bitartean. Horrez gainera, hainbat kolektiboren emanaldiak eta txikientzako tailerrak ere egongo dira (12:00etatik 13:30era).