Getxoko Udalak, urteko lankidetza-deialdiaren bidez, 381.000 euro inguruko laguntzak banatuko ditu, garapen-bidean dauden herrialdeetan hainbat gizarte- eta hezkuntza-proiektu sustatzeko. Egitasmoek hezkuntza, emakumeen ahalduntzea, elikadura-segurtasuna, ura zein energia eskuratzeko aukerak, eta tokiko garapena bezalako arloak jorratuko dituzte.
"Halako ekimenak babesteak esan nahi du hezkuntza hobetzea, emakumeen ahalduntzea bultzatzea eta komunitateen bizi-baldintzak hobetzea”, azaldu du Carmen Diazek, Kohesio Sozialeko zinegotziak.
Aurten hautatutako 14 proiektuak Hego Amerikako, Afrikako eta Asiako herrialdeetan garatuko dira, milaka pertsonei laguntzeko asmoz; batez ere emakumeei eta haurrei. Gainera, ekintza humanitarioaren arloan, ACNURek Hego Sudanen bizi den krisi humanitarioari aurre egiteko laguntza jasoko du.
Hori horrela, herritarrek lankidetza bidezko eta solidarioaren aldeko konpromisoa berrituko dute, 2030 Agendaren eta Garapen Iraunkorreko Helburuen norabidean.