Sari hauetan hainbat arlo aitortzen dira. Besteak beste, Diseinua, Gastronomia, Hezkuntza, Zientzia eta Arkitektura sarituak izan dira; hau da, hamabosgarren edizio honetan, 14 sari emango zaizkie artista, eragile eta kolektibo getxotarrei.
Horien artean, ikus-entzunezko arteetan esaterako, David Herranz argazkilariak jasoko du garaikurra; izan ere, haren estilo bereziak euskal eszena garaikidearen erreferente bihurtu du. Arte plastikoetan, Veva Linaza margolaria saritu dute paisaia-pinturan egindako lan bikainagatik eta haren obra Euskal Herrian nahiz nazioartean erakutsi izanagatik.
Musikari dagokionez, Leyre Mesa sopranoa sarituetako bat izango da Getxoko eta Bizkaiko musika eszenan egindako lanagatik, baita OLBEren abesbatzan egindako 25 urteko ibilbideagatik ere.
Aixe Getxo! sariek bi aipamen berezi ere badituzte. Ibilbide profesional eta artistikoaren saria Peru Urresti argazkilariari emango zaio, Getxoko eguneroko eta kultur bizitzaren erretratugileri. Halaber, Martin Urrutiak Aixe Gaztea saria irabazi du, bere ibilbide musikal bikainagatik, Operación Triunfo lehiaketan finalista izan ondoren.