Getxoko Udalak enplegu eskaintza berria onartu du eta lanpostu erdiari bakarrik eskatuko zaie euskaraz egitea. Udaleko lanpostu batzuetarako hizkuntza eskakizunaren derrigortasun-dataren aldaketak onartu zituen Getxoko Udalak, beste administrazio publikoetan euskararen derrigortasunari buruzko azken epaien ondoren.
ELA eta LAB sindikatuek, Bagara Nor, Bizarra Lepoan elkarteak eta Euskalgintzaren Kontseiluak Getxoko udaletxearen atarian elkartu ziren eguenean Udalaren Osoko Bilkuran onartuko zen lan-eskaintza publikoaren euskara eskakizuna salatzeko. Sindikatuek eta elkarteek kontratazio publikoko prozesuetan hasieratik euskararen derrigorrezko plaza guztiei eskakizuna ezartzeko eskatzen diete Getxoko Udalari, herritarren hizkuntza eskubideak bermatzeko eta euskararen normalizazioaren alde egiteko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!