Antolatzaileek azaldu dutenez, ekimen honen helburua da Eguberrietako egun horiek aprobetxatzea, aldarrikatzeko parrokiako organoaren kalitatea eta eskaintzen dituen aukera ugariak. "Programa askotarikoa eta kalitatezkoa izango da eta ospe handiko interpreteen esku egongo da", nabarmendu dute.
Lehenengo emanaldian,hilaren 20an, Alberto Mielgo saxo jotzailea eta Pedro Guallar maisu organista arituko dira. Hilaren 26an, aldiz, Aitor Olea organistak joko du eta, azkenik, hilaren 30ean, Xabier Andrada biolinistak eta Andoni Andrada organistak itxiko dute zikloa.