Algortako Telletxe plazako komun auto-garbigarri berria daborduko zabalik dago, eta herritarrek erabil dezakete goizetik gauera; hau da, 07:00etatik 23:00etara. Bi moduluko ekipamendua da, eta ez du kanpoko pixatoki irekirik, erabiltzaileentzako intimitatea lehenetsiz.
Horrez gain, Santa Ana plazako komuna ere ikus daiteke jada baselizaren inguruan; oraindik martxan ez dagoen arren, laster aktibatuko dute. Udal zerbitzuek, era berean, Portu Zaharrean jarriko den komun berria prestatzen jarraitzen dute.
Udalaren xedea herritarren egunerokoan erosotasun handiagoa ematea eta komun publikoak puntu estrategikoetan hobetzen jarraitzea da, auzoz auzo erabiltzaileen beharretara egokituta.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!