Hitzarmen berria 2026ko urtarrilaren 1ean sartuko da indarrean eta lau urteko iraupena izango du, luzatzeko aukeragaz. Lankidetza honen bidez, administrazioek gizarte-zerbitzuen sistemaren funtzionamendu koherente, eraginkorra eta bateratua lortu gura dute.
Hitzarmenak gizarte-bazterketa jasateko arriskuan dauden pertsonei zuzendutako funtsezko bost zerbitzu kudeatuko ditu: eguneko arreta-zerbitzua, gaueko harrera-zerbitzua, tutoretzapeko etxebizitzak, neguko ostaturako bitartekoa eta bizitegi-bazterketa larrian dauden pertsonen zenbaketa.
Eguneko arreta eta gaueko harrera-zerbitzuak Getxoko udalerriko azpiegituretan eskainiko dira eta kostuak bi erakundeen artean banatuko dira. Tutoretzapeko etxebizitzei dagokionez, Getxok 11 plaza kudeatuko ditu eta Uribe Kostako Mankomunitateak 6 plaza, bakoitzak bere eremuko gastuak bere gain hartuz.
Zerbitzuak koordinatzeko eta hitzarmenaren gauzatzean sortu daitezkeen gorabeherak argitzeko Jarraipen Batzordea sortu dute eta urtero bi bilerak egingo dituzte.