Berreskuratze prozesua 2021ean hasi zen, eta ordutik lan teknikoak egin dira; hau da, monumentua flyschoide labar baten gainean egoteak sortzen dituen arriskuak minimizatzeko lehentasunezko lanak, egitura seguruagoa eta egonkorra bihurtzeko. Fase teknikoak gainditu ostean, orain iragarritako obrek espazioaren balio monumentala berreskuratzea eta erabilera sozial, kultural zein hezitzaileak indartzea dute helburu.
2025ean ehun jarduera baino gehiago egin dira galerietan, milaka herritarren parte hartzeagaz. Amaia Aguirre alkate eta Punta Begoña Fundazioko lehendakariaren hitzetan, obra berriek "erabilera areagotzeko eta herritarren proposamen ugariei erantzuteko aukera emango dute".
Ildo horretan, prozesu honek nazioarteko aitortza ere jaso duela azpimarratu du Getxoko Udalak; hain zuzen ere, Begoña galeriek Epaimahaiaren Sari Berezia eskuratu dute Ondarearen Iberiar Sarietan, Portugalen eta Espainian aurkeztutako proiektuen artean. Epaimahaiak berrikuntza, memoria historikoaren lanketa eta herritarren inplikazioa nabarmendu ditu, besteak beste .