Aurtengo edizioa, gainera, guretzat bereziki hunkigarria izan da, HIRUKA omendu baitute, hamar urteotan euskaraz eta tokikotasunetik egindako lanagatik. Antolatzaileen eta parte-hartzaileen hitzek, zein jasotako maitasunak, indar handia eman digute aurrera jarraitzeko. Esker onez eta harrotasunez jaso dugu aitortza.
Ekimenari dagokionez, 2695 euro bildu dira parte-hartzaileen ekarpenei esker, eta horrek are gehiago azpimarratzen du IgeriBiziren izaera solidarioa. Uretako ahaleginagaz batera, Kimetz abesbatzaren kantuek Fadurako giroa berotu zuten.
Hori guztia posible egin duzuen igerilari, laguntzaile, elkarte, babesle eta herritar guztiei, eskerrik asko bihotzez. Zuek zarete euskara bizirik dagoela erakusten duzuenak, segi dezagun elkarlanean hizkuntza indartzen. Guk hemen jarraituko dugu, gertuko istorioak kontatzen, euskeraz eta zuekaz.
