Emanaldia ez da filmera mugatuko. Izan ere, proiekzioaren ostean, Asier Albite abeltzain eta albaitari gazteagaz solasaldia izango da, filmak jorratzen duen errealitatean sakontzeko aukera eskainiz.
Suharrak 65 minutuko iraupena du, eta behi suharrak (betizuak, nafar kasta eta antzekoak) hazten dituzten hainbat baserritarren ahotsak biltzen ditu. Dokumentalak haien egunerokotasuna, lana eta bizimodua erakusten ditu, lehen pertsonan kontatutako testigantzen bidez.
Bai filma bai solasaldia euskaraz izango dira. Sarrerek 5 euro balio dute, eta mugatuak direnez, gomendagarria da aldez aurretik erreserba egitea.