2025eko apirilean Bilbon egindako lehen edizioak harrera ona izan zuen, 500 lagunetik gora eta hamar marka baino gehiago bildu baitzituen. Horren ostean, proiektuak bigarren geldialdia egingo du Getxon. Beste behin ere, hiriko kultura eta sortzen ari diren markak formatu zabal eta irisgarri batean zentratuko dira, marka ezagunak eta tokikoak bateratuz.
Ekitaldia 11:00etatik 21:30era egongo da zabalik etenik gabe, eta sarrera doakoa izango da. Antolatzaileek azaldu dutenez, eguna bertan pasatzeko moduko proposamena da: publikoarentzako hainbat jarduera, food truckak dituen gune gastronomikoa eta stand espezializatuak izango dira. Besteak beste, hagin-gemak, grillzak eta tatuaje-zerbitzuak eskainiko dira.
Gainera, daborduko baieztatuta daude zenbait marka; hala nola Code, Inker eta Tooth Gems. Antolatzaileek espero dute Getxoko hitzorduak aurreko edizioko parte-hartze datuak gainditzea.