Adikzioen Prebentziorako Zerbitzuak bultzatutako ekimenak telefono mugikorraren erabilera goiztiarrak mendekotasuna sortzen duela adierazi du, familietan kezka handia eraginez. Horregatik, Altxa Burua guraso-mugimenduagaz elkarlanean, mugikorra adin gero eta txikiagoetan ematea normalizatzea saihestu gura dute.
Kanpainaren bidez, udalerriko saltokiak eta zerbitzu publikoak inplikatuko dira, espazio seguru sare bat sortzeko. Horrela, 8 eta 16 urte bitarteko haur eta nerabeek, larrialdiren bat izanez gero, establezimendu horietako telefonoa erabili ahal izango dute, mugikor propioa izateko beharra murriztuz. Parte hartzen duten saltokiek "Gurea erabil dezakezu" lelodun pegatina jarriko dute sarreran edo erakusleihoan.
Getxoko Udalak 1.200 saltoki eta zerbitzu publikori egin die deia kanpainara bat egin dezaten, eta interesdunek izena eman dezakete udalaren webgunearen bidez.