Lehen kanporaketa 17:30ean egingo da Saniko tabernan, eta bertan ariko dira Irune Basagoiti (Ermua), June Aiestaran (Beasain), Hegoi Amabizka (Gasteiz) eta Beñat Zeberio (Asteasu).
Bigarren kanporaketa, berriz, 19:00etan izango da Las Barreras tabernan, Bittor Altube (Abadiño), Kattin Madariaga (Arantza), Aitor Tatiegi (Oñati) eta Enara Gallastegi (Dima) bertsolarien parte-hartzeagaz.
Sariketaren finala 21:00etan jokatuko da Abian kultur elkartean, eta eguneko onenek izango dute bertan aritzeko aukera.
Antolatzaileek bertsolaritza gaztea sustatzea eta Algortako espazio sozial eta kulturalak bertsoagaz lotzea dute helburu, giro hurbil eta parte-hartzailea sortuz.