Irudia 2011n jarri zuten, hasieratik aldi baterako esku-hartze artistiko gisa. Begihandi elkarteak sustatutako proiektua da, Getxophoto jaialdiaren barruan kokatuta, eta Udalak 30.000 euroko inbertsioa egin zuren bere garaian. Pieza hura egiteko erabilitako materialak, ordea, ez zeuden prestatuta urte luzez itsas giroko baldintza gogorrak jasateko; beraz, denboraren eta kresalaren eraginez, jatorrizko detaile asko galdu dira.
Keltse Eiguren zinegotziak azaldu duenez, lanak hasieran jarritako helburuak daborduko bete ditu: sorkuntza artistiko bat kokatzea gune esanguratsu batean, auzoaren irudi turistikoa indartzeko. "Ekimena amaitutzat jotzen dugu, eta kendu egingo da", adierazi du. Udalak datozen egunetan jakinaraziko dizkie Begihandi elkarteari, baita egileari ere. desinstalazioaren data.
Urteotan, hala ere, Sirenoa inguruaren ikus bilakatu da. Izan ere, pieza berezia da; hots, itsasgoran gizon baten enbor biluzia soilik ikusten da. Itsasbeheran, berriz, izaki mitologiko baten irudi osoa. Itsasaldiekaz sortzen den efektu bisualak bisitari askoren arreta erakarri du.
Irudia zaharberritzeko aukera iaz aztertu bazen arren, ideia hori guztiz baztertu da, baita beste pieza bategaz ordezkatzea ere.