Gaur egun, portuan 460 ontzirentzako lekua eta 27 lokal daude erabilgarri. Otsaila bukaerarako, amarralekuen %70 eta lokalen %90 erregularizatzea lortu da. Hala ere, portuko arduradunek gogorarazi dute kontratazioa oraindik zabalik dagoela, eta erabiltzaileek dagokien kontratua formalizatu behar dutela, bestela Portuko Ustiapen Araudian aurreikusitako neurriak aplikatu ahal izango direla.
Bestalde, portuko funtzionamendua hobetzeko, pantalanetara sartzeko sistema informatikoa berritu dute. Horren ondorioz, martxoko lehen aste honetan indargabetuta daude orain arteko sarbide-txartel zein kodeak, eta erabiltzaileek berriak eskuratu beharko dituzte portuko bulegoetan, identifikazioa aurkeztuta.
Kontratuak formalizatu gura dituztenek Kapitaintzako bulegoetara jo dezakete (09:00etatik 17:00etara) edo dokumentazioa aldez aurretik bidali posta elektronikoz. Era berean, 2026-2027 aldirako aparkaleku-txartel berria ere eskuragarri dagoela jakinarazi du Kirol Portuak, aurrekoa jada baliogabetuta geratu baita.