Ekimen honek Saharako Errepublika Arabiar Demokratikoaren 50. urteurrena izango du ardatz, eta Carmen Diaz Gizarte Kohesioko zinegotziaren esanetan, helburua da "historikoki isildutako kausa hau ikusaraztea eta eremu publikoan kokatzea giza eskubideen zein nazioarteko zuzenbidearen ikuspegitik".
Saioan bi hizlari nagusi izango dira: Juan Soroeta, EHUko Nazioarteko Zuzenbideko irakaslea eta Giza Eskubideen Behatokia nazioarteko elkarteko presidentea, eta Mujtar Leboihi, Polisario Frontearen Euskadiko ordezkaria. Aditu hauek gatazkaren ikerketan eta ordezkaritza politikoan duten esperientzia partekatuko dute bertaratuakaz, eta behin hitzaldia amaituta, publikoak hizlariakaz zuzenean hitz egiteko eta hausnartzeko aukera izango du.