Proposamena jolas moduan planteatu dute: ikasleek mezu sekretu bat osatu beharko dute, proiektuagaz kolaboratzen duten saltokien erakusleihoetan jarritako eranskailuak bilatuz. Pista guztiak aurkitu eta mezua osatu ondoren, Ingurumen Aretoari jakinarazi beharko diote.
Parte hartzen dutenen artean zozketa bat egingo da, eta irabazleek Eskola Bidearen diploma jasoko dute, baita Ingurumen Aretoan familian edo lagunakaz partekatzeko esperientzia berezi bat ere.
Ekimenaren helburua Eskola Bideko ibilbideak indartzea eta proiektuan parte hartzen duten saltokiak erreferentzia eta laguntza gune gisa ezagutaraztea da, haurrek eskola-bidea gero eta modu autonomoagoan zein seguruagoan egin dezaten.