Iazko kopuru bera da, eta helburua tokiko kirol jarduera sustatzea da, bai oinarrizko kirolean, bai lehian ari diren kirolarien jardunean.
Laguntzen zatirik handiena lehiaketako jardueretara eta errendimenduko kirolera bideratuko dute, 795.000 eurokaz. Horrez gain, oinarrizko kirolak 260.000 euro jasoko ditu, eta ekitaldiak antolatzeko beste 228.000 euro bideratuko dira. Bestelako partidak ere aurreikusi dituzte herri kirolak, emakumeen kirola eta aparteko lehiaketak sustatzeko.
Udalaren arabera, diru-laguntza hauek klubek eta elkarteek euren eguneroko jarduerari aurre egiteko balioko dute, eta, aldi berean, banakako lehiaketetan parte hartzen duten errendimendu handiko tokiko kirolariak babesteko ere bai.
Laguntzak ematerakoan, hainbat irizpide hartuko dituzte kontuan; tartean, emakumeen kirola sustatzea, euskararen erabilera bultzatzea eta udalerriko elkarte-sarea eskola-kiroleko programen bidez inplikatzea.
Deialdiaren oinarriak eta eskabideak aurkezteko beharrezko dokumentazioa Getxo Kirolak-en webgunean daude eskuragarri.