Egitaraua martxoaren 14an hasiko da, San Martin elizako txokoan egingo den Iftar jai interkulturalagaz. Getxo Bizilagunak udal programaren barruan antolatu dute ekimena, Egizu, Ibilki, Agharas eta San Nikolas Zabalik elkarteen laguntzagaz. Topaketaren helburua Ramadana komunitatean ospatzea eta kultura arteko elkarrizketarako gune ireki bat eskaintzea da. Arrastian gastronomia tailerra, komunitate-bazkaria, otoitza, ipuin-kontalaria, musika eta tearen zeremonia izango dira.
Martxoaren 18an, berriz, Zurrumurruen aurkako giza liburutegia: topaketa eta elkarrizketa gunea egingo dute Romo Kultur Etxean, 17:30ean. Jarduera adinekoei zuzenduta dago.
Era berean, Martxoaren 21ean Bilbon egingo den manifestaziora taldean joateko deialdia egingo dute. Gainera, martxoaren 16tik apirilaren 17ra, Algortako azokan erakusketa bat egongo da ikusgai, emakume etorkinek, bereziki etxeko eta zaintza lanetan aritzen direnek, pairatzen dituzten indarkeria eta eskubide-urraketak agerian uzteko.