Gertatutakoa argitzeko, Udalak azaldu du alarma-sistemaz hornitutako edukiontzien teknologia baliatzen ari dela, eta horri esker suteen sekuentzia berreraiki eta gertakariekin zerikusia izan dezakeen pertsona susmagarri bat identifikatzeko bidean daude.
Zapatuan jazotako suteak Bizkaiko Foru Aldundiko suhiltzaileek berehala itzali zituzten, Getxoko Udaltzaingoagaz koordinatuta, eta egoera kontrolatzea eta kalte pertsonalak saihestea lortu zuten. Hala ere, gertaerek kalte material handiak eragin dituztela adierazi dute Udaleko iturriek, eta udal-zerbitzuak horiek aztertzen ari direla gaineratu dute. Gainera, Udalak laguntza eskatu die herritarrei, gertatutakoa argitzeko baliagarria izan daitekeen edozein informazio emateko.
Era berean, Amaia Agirre Getxoko alkateak gogor gaitzetsi ditu gertaerak: "Ekintza bandaliko larriak dira, segurtasunik eza eragiten dutenak eta herritarrei kalte ekonomiko handia eragiten dietenak. Udaletik behar diren baliabide guztiak jarriko ditugu pertsona arduraduna identifikatzeko eta horrelako egoerak errepika ez daitezen." Azkenik, Agirrek larrialdi zerbitzuen jarduera azkarra eskertu nahi izan du: "Suhiltzaileen eta gure Udaltzaingoaren lan koordinatu eta eraginkorra aitortu nahi dugu, haien esku-hartzea funtsezkoa izan baita ondorio handiagoak saihesteko"