Izena emateko, ezinbestekoa izango da abonatu txartela izatea. Aurreinskripzioa zabalik dago jada, eta maiatzaren 6ra arte egin daiteke, bai online, bai aurrez aurre bi kiroldegietako arreta bulegoetan. Plazen zozketa eta behin betiko esleipena maiatzaren 8an egingo dira.
Udako programazioak haur eta gazteak erdigunean jarri dituen arren, helduentzako eta 60 urtetik gorakoentzako eskaintza ere badago. Azken horien artean, entrenamendu funtzionala nabarmendu beharrekoa da, gero eta eskaera handiagoa duen modalitatea baita.
Haurrentzako eskaintzan, bereziki azpimarratzekoak dira 4 eta 14 urte bitartekoentzako aisialdi eta kirol anitzeko ikastaroak. Astelehenetik barikura goizez egingo dira, bost orduko saioetan, eta familientzat erraztasunak ere eskainiko dira: jarduera hasi aurretik zein ondoren zaintza zerbitzua egongo da, eta egunero ordubeteko ingeles saioa emango da.
Horrez gain, “Grand Slam” izeneko ikastaroek aukera emango dute tenisa, padela eta uretako jarduerak uztartzeko, 8 eta 16 urte bitarteko gazteentzat. Igeriketa eskolak ere izango dira, 4 eta 17 urte bitartekoentzat.
Interesa dutenek udako eskaintza osoa jasotzen duen liburuxka kontsulta dezakete, kiroldegietako bulegoetan eskuragarri edo Getxo Kirolaken webgunean deskargatu dezakete.