Antolakundeak azaldu duenez, gizon batek emakume bati labanaz eraso zion urruntze agindua urratuta, eta emakumea ihes egiten saiatzean hil zen. Itaiak gertakariak agerian instituzioen babes neurrien mugak uzten dituela salatu du, emakumeak babesgabe uzten dituztelako.
Gainera, azken egunotako datuak kezkagarriak direla azpimarratu du: azken hamar egunetan bi erailketa matxista eta beste saiakera bat izan dira Euskal Herrian.
Egoera horren aurrean, Itaiak matxismoaren aurkako borrokara batzeko eta kaleak hartzeko deia egin du. Mobilizazio nagusiak gaur bertan egingo dira Euskal Herriko hainbat hiriburutan: Iruñean, Donostian eta Gasteizen 18:30ean izango dira elkarretaratzeak; hurrenez hurren Udaletxe Plazan, Boulevarden eta Correos plazan; Bilbon, ordea, 19:00etan egingo da protesta Areatzan. Baionan, azkenik, eguaztenean, apirilaren 15ean, izango da mobilizazioa, 18:30ean Merkatu plazan.
Horrez gain, kontzentrazio bat deitu dute biharko, apirilaren 14an (martitzena), Romoko Santa Eugenia plazan, 19:00etan, indarkeria matxistaren aurka mobilizatzeko.