Hiru egunetan zehar, azokak 40 saltoki inguru bilduko ditu; besteak beste liburu-dendak, argitaletxeak eta fanzineak. Aurten, merkataritza-gunea hiru gunetan banatuko da: Areetako Geltokia plazan, Ibaiondo kalean eta Romoko Santa Eugenia plazan. Antolatzaileen arabera, banaketa horrekin publikoaren mugimendua erraztu gura da.
Azokara hurbiltzen direnek komikiaren azken nobedadeak eskuratzeko aukera izango dute, baita bildumako aleak, merchandisinga eta ilustrazioagaz lotutako bestelako produktuak ere.
Bestalde, jarduera-programa Romo Kultur Etxean egingo da, eta askotariko ekitaldiak bilduko ditu: erakusketak, aurkezpenak, hitzaldiak, mahai-inguruak eta haurrentzako tailerrak, besteak beste. Ohiko sinatze-saioak ere ez dira faltako, zaleek euren artista gustukoenakaz harreman zuzena izateko aukera izan dezaten.
Lehen egunean, gainera, bi sortzaile omenduko dituzte euren ibilbide profesionalagatik, bata euskal esparrukoa eta bestea estatu mailakoa.