Duela gutxi, Getxoko Udalak habia-kutxa berezi bat instalatu zuen, harrapari hauen ugalketa errazteko helburuagaz. Ekimen horri esker, belatzek erraz hartu dute espazioa; hots, habia prestatu eta bertan finkatu dira. Gainera, hau da Getxon ez ezik, Euskadi osoan ere hirigune batean habia egin duten lehen belatz handien kasua.
Egungo egoeran, bikotea erabat egonkortuta dago dorrean, eta hiriko eguneroko mugimenduetara ohituta, naturaltasunez ikus daitezke. Horrek ikusmin handia piztu du; izan ere, egunero hainbat ornitologo eta hegazti-zale gerturatzen dira.
Biodibertsitatearen aldeko urratsa
Proiektuan Anticimex enpresak, Bizkaiko Belatz Handiaren Ikerketa Taldeko adituek eta elizak berak parte hartu dute. Habia-kutxa kameraz hornituta dago, eta horri esker, ugalketaren jarraipena zuzenean egin daiteke.
Bestalde, belatzen presentziak onura praktikoak ere baditu: usoak, uso basatiak edo estorninoak bezalako espezie ugarien populazioa modu naturalean kontrolatzen laguntzen dute. Julen Zuberogoitiaren hitzetan, Anticimexeko aditu eta ikerlariaren arabera, “ekimen honek biodibertsitatea sustatzen du, eta aldi berean, hiri-inguruneetan oreka natural eta iraunkorra bermatzen du”.
Lehen txitaren jaiotza, beraz, naturaren eta hiriaren arteko bizikidetza orekatuago baten adibide gisa hartu genezake.