Igoerarik handiena gizarte-kohesioaren arloan izango da; izan ere, Udalak 264.336 euro gehiago bideratuko ditu arreta, laguntza eta inklusioa sustatzen dituzten egitasmoetara. Helburua udalerriko kolektibo eta herritarren beharrei erantzuten dieten proiektuak sendotzea da.
Sustapen ekonomikoaren arloan ere gorakada izango da, 130.000 euro gehiagogaz. Diru horren bidez, tokiko jarduera ekonomikoagaz, merkataritzagaz eta enpleguagaz lotutako ekimenak bultzatzen jarraitu gura du Udalak.
Kirolak ere laguntza handiagoa jasoko du: 127.000 euro gehiago bideratuko dira kirol-proiektuetara, eta, gainera, %10 handituko dira kirol klub eta elkarteentzako dirulaguntzak. Guztira, arlo horrek ia 150.000 euro gehiago jasoko ditu. Kulturari dagokionez, Udalak 225.000 euroko ekarpenari eutsiko dio, Getxoko sormen eta kultura-jarduera babesten jarraitzeko.