Jardunaldietan benetako larrialdiak simulatuz ariketa konplexuak egin dituzte zubian eta Portugaleteko dartsenan, besteak beste, Bizkaia zubiko tiranteetan zintzilikatutako langileen erreskateak, eremu konfinatuetako maniobrak eta egitura azpietako ebakuazioak; horrez gain, material erakusketak eta dibulgazio saioak ere izan dira, herritarrek hurbiletik ikus zezaten erreskate taldeek halako egoeretan nola jarduten duten. Antolatzaileen esanetan, esperientziak prozeduren trukea eta koordinazioa indartzeko balio izan du, eta Getxo eta Portugaleteko udalen zein Bizkaia Zubia entitatearen laguntza instituzionala izan du.