Getxoartek tokiko sortzaileen lana herritarrengana hurbiltzeko helburuagaz jarraitzen du, eta Getxoarte Eskoletan egitasmoaren baitan, Andra Mari eskolan mural bat egin dute ikasle eta irakasleakaz batera. Tailer horretan, herriko artistak ikasgeletan beraien lana nola egiten duten azaltzen dute; kasu honetan, Madalen Pinuaga, Pablo Astrain eta Pablo Zabala izan dira beraien lanaren berri eman duten margolariak.
Getxo Kulturagaz elkarlanean, eta Zirrimarrako Miren Begoñe Bilbao eta Ibon Garagarza komisarioen gidaritzapean, egitarauak hezkuntza- eta sormen-ildoari eutsiko dio. Getxoarte Eskoletan programaren bidez, tokiko sortzaileek prestakuntza-saioak egingo dituzte ikasleakaz, sormena eta hausnarketa kritikoa sustatzeko; amaitzear dagoen ikasturte honetan, besteak beste, Maitane Sarralde, Marta Iraurgi, Maria de Viana, Eva Kareaga eta Pablo Astrain aritu dira ikastetxeetan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!