Jardunaldian, udal-teknikariek, adinekoen elkarteetako kideek eta gizarte- zein komunitate-eragileek parte hartu zuten datozen urteetarako lehentasunak eta jarduera-ildo berriak zehazten hasteko helburuagaz. Horretarako, hainbat lan-mahaitan banatu ziren, besteak beste, garraioaren, etxebizitzaren, espazio publikoen, gizarte- eta osasun-zerbitzuen, inklusioaren, belaunaldien arteko harremanen, kirolaren eta kulturaren inguruko ekarpenak egiteko.
Carmen Diazek, Gizarte Kohesioko zinegotziak, nabarmendu zuenez, egitasmoak herritarren entzutean eta eguneroko esperientzian oinarritu behar du: azpiegiturez, bizikidetzaz, gizarte-kohesioaz, belaunaldien arteko justiziaz eta espazioak, zerbitzuak eta harremanak antolatzeko moduaz. Getxo "adin guztietako pertsonentzat bizitzeko udalerri hobea izan dadin".
Proiektua duela ia hamar urte sortu zen, Osasunaren Mundu Erakundearen Hiri eta Komunitate Lagunkoien ikuspegia udalerrian txertatzeko. Udalak gaineratu duenez gizartea aldatu egin da eta "Getxo atseginago bat eraikitzea udalerri osoari dagokion zeregina da". Horretarako, zahartzearen gaia ikuspegi komunitario eta partekatu batetik lantzea beharrezkoa da.