Kaishop! ekimenaren helburua ostalaritza eta merkataritzako establezimenduetan euskararen erabilera sustatzea da. Kanpaina Getxon ez ezik, Gernika-Lumon, Leioan eta Txorierriko Mankomunitatean ere garatu da, herritarrak tokiko merkataritzan euskaraz aritzera animatzeko.
Aurtengo edizioak parte-hartze handia izan du. Antolatzaileen arabera, ia 2.000 lagunek bete dute zozketan parte hartzeko galdetegia, eta horietatik 1.312 Getxon egin dira. Parte-hartzaileek aukera izan dute kaleetan ibili den erruletaren bidez zein udalerriko Euskararen Laguna Saltokiak sareko 272 establezimenduetan kanpainarekin bat egiteko.
Kanpainaren sustatzaileek positibotzat jo dute herritarren erantzuna, tokiko merkataritzan eta ostalaritzan euskararen presentzia indartzeko helburua bete dela nabarmenduz. Sari banaketagaz amaiera eman zaio aurtengo edizioari, baina ekimenaren xedeak bere horretan jarraitzen du; hau da, eguneroko erosketetan eta harremanetan euskara erabiltzea sustatzea.