Osasun-protokoloek agintzen duten bezala, hondakin organikoak detektatu bezain pronto autokontrol-plana aktibatu dute, eta, ondorioz, igerileku olinpikoa ezin izango da erabili gutxienez eguaztenera arte; hau da, bihar arte. Mantentze-lanetako langileek uraren kalitatea egiaztatzeko beharrezko analisiak egingo dituzte goizean, eta emaitzak egokiak badira, instalazioak ohiko jarduerari ekingo dio berriro.
Itxierak, hala ere, ez ditu Fadurako aisialdi-eremu guztiak eragin. Solariuma eta haurrentzako kanpoko igerilekuak zabalik mantenduko dituzte 21:30era arte, edukiera mugatu egingo duten eta gehienez 750 lagun sartzen utziko dituzten arren. Gainera, arrastian barruko igerilekuak ere erabilgarri izango dira erabiltzaileentzat.