Maiatzaren 25ean hasi zuten txapelketa, eta bi hilabetez jokatu dituzte ligaxka eta kanporaketak. Finalak uztailaren 30ean, eguenean, izango dira, Algortako San Inazio jaien barruan, Argia edo Trinitarios frontoian. Banakako txapelketa bada ere, lau t'erdiko jokoan oinarrituta dago, Algortako Argia frontoiaren neurrietara moldatutako arau bereziagaz: pilotak ezin du botea eman 3ko muga zeharkatu aurretik.
Arrasti osoan, musika, edariak, primi herrikoiaren kanporaketak eta bertsolariak, besteak beste, izango dituzte. Euren helburua pilota giro herrikoi batean sustatzea da; horregatik, bertan, maila desberdinetako jokalariak eta emakumezkoen kategoria ere batu dituzte.
Egitaraua:
Uztailak 30, eguena
- 17:45 Baste/Erkiaga, 3. maila.
- 18:30 Ortiz de Luna/ Manchobas, 2. maila.
- 19:15 Ane / Zulueta II, emakumeak.
- 19:50 Primi herrikoiaren finala.
- 20:00 Iker Yuste / Olaguenaga, 1. maila.