Getxolaneko Ekonomia Sustapeneko zinegotzi Juanma Gonzalezek azaldu duenez, laguntza horien helburua merkatarien eta ostalarien elkarteek dinamizazio-ekimenak garatzea eta udalerriko negozioen ikusgarritasuna handitzea da. Horren bidez, tokiko jarduera ekonomikoa eta herriko bizitza soziala indartu nahi dituzte.
Dirulaguntzen zatirik handiena, 120.050 euro, merkataritza-guneak sustatzeko eta dinamizatzeko ekimenetara bideratuko da. Horren barruan, Algortako Dendak elkarteak 36.048 euro jasoko ditu, besteak beste, Oparitzeko ideiak, Bertsoz Bertso edo Hitzez Hitz, Romo Bizirik-gaz egingo duen zozketa gurutzatua eta Gure kaleetan kaleko desfilea antolatzeko. Bestalde, GetxoEnpresak 60.000 euro jasoko ditu Erakusleihoen Lehiaketaren 36. edizioa eta Getxo Dastatu, Getxo Open Arte edo tokiko merkataritza balioan jartzeko beste hainbat ekimen antolatzeko. Romo Bizirik elkarteak, berriz, 15.676 euro izango ditu Auzoa koloreztatuz eta Eman Jaso proiektuak garatzeko.
Horrez gain, bigarren laguntza-lerroak 50.000 euro banatuko ditu elkarteen eguneroko jarduna eta asoziazionismoa indartzeko. Zenbateko horretatik, Algortako Dendak-ek 14.770 euro jasoko ditu, GetxoEnpresak 29.626 euro eta Romo Bizirik-ek 5.602 euro.