Gertakaria goizaldeko 01:25 aldera izan da. Etxearen alarma-zentralak lapurreta-saiakeraren berri eman ostean, Ertzaintzaren patruilak txaletera bertaratu ziren. Han, etxearen jabeak baieztatu zien agenteei alarmak aktibatu egin zela.
Etxera hurbiltzean, ertzainek susmagarrietako bat lorategitik ihesi ikusi zuten. Handik gutxira atzeman eta bertan atxilotu zuten.
Bigarren gizonak, berriz, errepiderantz salto eginda ihes egitea lortu zuen hasiera batean. Hala ere, inguruan zebilen beste Ertzaintzaren patruila batek handik gutxira aurkitu eta atxilotu zuen.
Segurtasun Sailaren arabera, gazteenak aurrekari polizialak ditu ondarearen aurkako delituengatik, eta Ertzaintzak hiru aldiz atxilotu izan du aurretik. Beste atxilotuak, aldiz, ez du aurrekaririk.
Bi gizonezkoak polizia-egoitzan daude oraindik, epailearen esku utzi arte.