Gaineratu dutenez, lehen domina Mario Lopezek eta Izaskun Etxanizek lortu zuten, PR3 biko mistoan. Final zuzenean bigarren geratu ziren, Sevillako Remeros y Piragüistas Veteranos taldeko Carlos Dorado eta Jara Garcíaren atzetik.
Bestalde, bigarren zilarra Eneko Van-Horenbekek eskuratu zuen, beteranoen gizonezkoen skiffean. Rafael Ferrer malagarrak irabazi zuen proba, Van-Horenbeke bigarren izan zen, eta Manuel Perez hirugarrena.
Lorpen horregaz, behin berriro, Raspasek maila handiko ibilbidea erakutsi du modalitate honetan. Esaterako, Maialen Mielgo taldeko arraunlaria nazioarteko selekzioko kidea da, eta, aurten, Espainiako Txapelketako izen aipagarrien artean zegoen. Raspaseko Esther Brizek, berriz, apirilean Espainiako selekziorako Beach Sprint Opena irabazi zuen emakumezkoen absolutuan.
Beach Sprint Espainako Txapelketa
Txapelketak 192 ontzi, 235 kirolari eta 21 klub batu zituen, zortzi autonomia-erkidegotatik. Guztira, 19 Espainiako txapeldun-titulu egon ziren jokoan.
Diotenez, modalitate honetan, arraunlariak hondartzan korrika hasten dira, ontzira igo, 500 metroko balizatutako ibilbidea egiten dute itsasoan, eta amaieran berriro hondartzara irten eta helmugaraino korrika egin behar dute.
Kanporaketak bi ontziren arteko buruz buruko lehien bidez jokatzen dira. Gainera, modalitatea Los Angeles 2028ko Joko Olinpikoetan estreinatuko da, eta horrek txapelketari interes berezia ematen dio.