Haurrei zuzendutako ikastaroak irailaren 14an hasiko dira, eta, besteak beste, teniseko, igeriketako, txirrindularitzako, borroka-arteetako, gimnasia erritmikoko, boxeoko eta gimnasia akrobatikoko zenbait taldetan daude plazak oraindino. Helduentzako jardueren kasuan, oraindino izena eman daiteke entrenamendu funtzionaleko ikastaro batzuetan, ziklo indoorrean, yogan eta mantentze-gimnastikan.
Horregaz batera, zabalik dago ere iaz abian jarri zen “Aukeran” zerbitzuan parte hartzeko izena emateko epea. Eskaintza hori, ikastaro itxi edo finko batean izena eman beharrean, kirol jarduera bat baino gehiago konbinatzea eta zein klasetara joan gura duten aukeratzea nahiago duten abonatuei zuzenduta dago. “Aukeran” zerbitzuko eskola gehienak urriaren 1ean hasiko dira, eta zerbitzua bi modalitatetan dago eskuragarri: “Aukeran Plus” (57 euroan hilean) eta “Aukeran” (45,60 euroan hilean).
Kontsultak edo izen emateak Getxo Kirolaken webgunean egin daitezke, edo aurrez aurre jendearen arretarako bulegoetan, Faduran (Los Chopos Etorbidea 60, Getxo) edo Gobelan (Luis Lopez Oses Kalea 1, Areeta).