Udalak aurreratu duenez, aurten, 191 establezimenduk parte hartuko dute ekimenean. Juanma Gonzalez Getxolan Ekonomia Sustapeneko zinegotziaren arabera, ekimenak hurbileko merkataritza sustatzeko balio du, baita bezeroak fidelizatzeko ere.
Aurreko urteetan bezala, GetxoBono bat eskuratzeko, aurretik aitxikitako edozein establezimendutan gutxienez 20 euroko erosketa egin beharko da irailaren 21etik urriaren 17ra bitartean; eta horiek eskuragarri egongo dira 16 urtetik gorako pertsona guztientzat. Pausu guztiak eta establezimenduen zerrenda GetxoBono webgunean ikus daiteke.
Getxoko Udaleko Ekonomia Sustapen Arloak bultzatutako kanpaina da, eta "merkataritza txikia dinamizatzea, kontsumoa sustatzea eta udalerriko merkataritza eta zerbitzu-establezimenduei laguntzea" du helburu.