Udan jai ugari izan badira ere, getxoztarrek oraindino badaukate kaleak festaz betetzeko gura: Areetako Mesedeetako jaiak izango dira iraila ixten dutenak. Hiru egunez, adin guztientzako jolas erraldoiak, bingoa, lehiaketak, tailerrak eta kontzertu ugari izango dituzte.
Barikuan, festa lunch-agaz hasiko da; baina arrastian, bizilagunak batuta, txupinazoagaz eta pregoiagaz egingo dute jaien benetako eztanda. Gauean, La Mara eta The Timpanos & Linea Continua taldeen kontzertuak izango dira, eta, aurreko urteetan bezala, Remember Time musika saioak jarriko dio azken nota lehenengo egunari.
Zapatuan, berriz, umeek eta gazteek egingo diote harrera egunari; bestak beste arrantza-lehiaketa, zumba, puzgarriak eta Kartsak egongo dira goizean zehar. Jarraian, arrasti girotuaren ostean, Delincuencia Senil taldeak eta L.A. Black Night Fest diskofesta ikuskizunak jarriko diote musika gauari.
Domekan, janariaren txanda izango da: ohiko barraskilo-, tortilla- eta marmitako- -lehiaketak izango dituzte bertan, baita txokolatada ere! Musikaz eta giro onagaz jaiei agur esateko, Tequila Moonrise taldeagaz itxiko dute eguna.
Egitaraua:
Irailak 25
- 13:00 Luntx-a adineko lagunentzat, Eskoletako plazan
- 17:30 GureGune gaztelekuaren ginkana, Eskoletako plazan
- 19:00 Txupinazoa eta pregoia, Eskoletako plazan
- 20:00 Bingoa, Eskoletako plazan
- 21:00 Kontzertua: La Mara, Amistad kalean
- 21:00 Kontzertuak: The Tímpanos & Línea Continua, Eskoletako plazan
- 00:00 Remember Time, Eskoletako plazan
Irailak 26
- 11:00 Arrantza-lehiaketa: haur eta gazte mailak, Bizkaia Zubian
- 11:00 Zabalketaren aldeko zumba solidarioa, Eskoletako plazan
- 11:30 Puzgarriak eta karts-ak, Bizkaia Zubia plazan
- 12:00 Sardina-jana herritarra, Eskoletako plazan
- 13:00 Herri-kirolen erakustaldia, Eskoletako plazan
- 17:00 Ile-apainketa, pultsera, txapa eta giltzatako tailerrak, Eskoletako plazan
- 17:00 Dantza Plaza, Berantzagi Dantza Taldearen eskutik, Eskoletako plazan
- 17:30 Puzgarriak eta karts-ak, Bizkaia Zubia plazan
- 18:00 Dantzaldia familian, Vivó la Danse Studiorekin, Amistad kalean
- 18:30 Arrasti girotua, Eskoletako plazan
- 20:30 Bingoa, Eskoletako plazan
- 21:00 Kontzertua: Delincuencia Senil, Amistad kalean
- 22:30 L.A. Black Night Fest, Eskoletako plazan
Irailak 27
- 08:00 Barraskilo-lehiaketaren izen-ematea, Amistad kalean
- 10:00 12. Artisautza eta Gastronomia Azoka, Eskoletako plazan
- 11:00 Tortilla-lehiaketaren izen-ematea, Eskoletako plazan
- 12:00 Magia-ikuskizuna, Eskoletako plazan
- 12:00 Fanfarria Marching Band Getxo, ibiltari
- 12:30 Paella popularra, Eskoletako plazan
- 13:00 Dantza-erakusketa, Vivó la Danseren eskutik, Eskoletako plazan
- 13:00 Barraskilo-kazolen aurkezpena, Amistad kalean
- 15:00 Marmitakoaren aurkezpena, Eskoletako plazan
- 16:00 Zezen mekanikoa, Eskoletako plazan
- 16:00 Jolas erraldoiak, Eskoletako plazan
- 16:30 Txokolatada, Eskoletako plazan
- 17:00 Marmitako eta tortilla lehiaketen sari-banaketa, Eskoletako plazan
- 17:30 Kontzertua, Eskoletako plazan
- 18:00 Barraskilo-lehiaketaren sari-banaketa, Amistad kalean
- 18:00 Kontzertua: Tequila Moonrise, Amistad kalean