Getxoko Udalak adierazi duenez, haurtzarotik nerabezarora bitarteko haur eta gazteen gurasoentzat eta erreferentziazko beste helduentzat zuzenduta dago, eta Guraso Eskola udal programaren barruan kokatu dute. Programa horrek ikuspegi pedagogiko, prebentibo eta komunitario batetik abiatuta, seme-alaben hezkuntzari lotutako behar eta erronka desberdinak lantzen ditu.
Carmen Diaz Gizarte Kohesioko zinegotziak azpimarratu duenez, "parte hartzen duten familiei txikiek adierazten dutena hobeto ulertzeko eta, presentziatik, entzute aktibotik eta mugak ezartzetik, haurrei laguntzeko baliabideak eskainiko dizkie, gatazkak eta eguneroko emozioak kudeatzeaz gain, komunikazio-modu asertiboago eta pedagogikoagoekin batera".
Jardunaldia urriaren 17an, 10:30etik 13:00etara, Getxo Elkartegian izango da. Jakinarazi dutenez, euskaraz izango da, baina gaztelaniarako aldibereko itzulpenagaz. Gainera, doakoa izango da, aurretik izena emanda gurasoeskolakgetxo@gmail.com helbidera edo 944 444 249 telefono-zenbakira deituta.