Azokagaz elkarlanean, bariku goizerako hainbat proposamen prestatu dituzte Romo Kultur Etxean. Besteak beste, hitzaldiak eta tailerrak egingo dituzte, baita ikastetxeei zuzendutako jarduera berri bat ere. Horrela, komikiaren mundua gazteengana hurbiltzeko aukera izango dute.
Sortzaileei begirako masterclassa
Dagoeneko komikiaren munduan lanean ari direnek edo euren lehen pausoak eman gura dituztenek ere izango dute euren tartea. Igande arratsaldean masterclass bat egingo dute Astiberri, Harriet eta Fandogamia argitaletxeetako ordezkariek parte hartuta.
Saioaren ardatza praktikoa izango da: norberaren lana argitaletxeei zelan aurkeztu azalduko dute. Hala, komiki-proiektu bat esku artean duten sortzaileek sektoreko profesionalen eskutik aholkuak eta orientazioa jasotzeko aukera izango dute.
Jarduera horiek guztiak Romo Kultur Etxean, Santa Eugenia plazan, egingo dituzte, urriaren 16tik 18ra egingo den Getxoko Komiki Azokaren egitarauaren barruan.