Getxoko Udalak antolatzen duen lehiaketa da, euskararen gizarte-erabilera babesteko, sustatzeko edo hedatzeko zereginetan nabarmendu diren erakunde, elkarte edo pertsona fisiko nahiz juridikoak goraipatzeko helburuagaz.
Saria abenduan egingo den ekitaldi batean emango dute, eta irabazleak Ibon Garagarza eskultore getxotarraren lana jasoko du. Hautagaiak aurkezteko webgunearen bidez fitxa bete daiteke, edo dokumentua deskargatu eta euskara@getxo.eus helbidera edo WhatsAppez 688 675 345 zenbakira bidal daiteke.
Aurreko sariak
Lehen edizioko sariaren irabazlea Laura Lapeyra izan zen, Juan Bautista Zabala ikastetxeko Gurasoen Elkartean euskararen erabileraren alde egindako lanagatik. Bigarrena, Bittor Egurrola izan zen, bizitza osoa hizkuntza sustatzera dedikatzeagatik; eta hirugarrena, San Nikolas ikastola, bere 50. urteurrenean euskarazko heziketan egindako lanagatik. Guztira, 15 sari eman zituzten; sarituen artean langileak zein elkarteak egon ziren, guztiak euskara sustatzeagatik.