Urriaren 26tik 30era, astelehenetik barikura, hilerria 07:15etik 20:00etara egongo da zabalik, etenik gabe. Aste-akabuan, berriz, urriaren 31n eta azaroaren 1ean, 08:00etatik 20:00etara egin ahal izango dira bisitak. Azaroaren 2an, astelehenean, ohiko ordutegira itzuliko da hilerria, 09:00etatik 18:00etara.
Egun horietan bisitari gehiago espero direnez, Udaltzaingoak aparkatzeko guneak egokituko ditu, eta hilerriaren kanpoaldeko trafikoa antolatzeaz arduratuko da. Gainera, beharrezkoa izanez gero, noranzko bakarreko zirkulazioa ezarriko dute Bostgarrena kalean, ibilgailuen joan-etorria errazteko.
Hala, Udalak bisitariek hilerrira ahalik eta erosoen sartzeko aukera izatea gura du, bereziki Santu Guztien Egunaren inguruko egun jendetsuenetan.