Udalak aurreratu duenez, boto gehien jaso dituen proposamena Arenen, Iturgitxin, Zubilletan eta Maidaganen komun publikoak jartzea izan da. Horren ostean, Zubilletako umeen parkea estaltzea eta berritzea adostu zen; udan aire zabaleko zinema emanaldiak antolatzea; Muxikebarriko Arrigunaga aretoan gazteentzako kontzertuak antolatzea; jokabide suizida prebenitzeko kanpaina sustatzea; eta, azkenik, Faduran eta Gobelan 50 metroko igerilekuetan horma bereizgarriak eta garabi-aulki eramangarriak jartzea aukeratu zuten.
Udalak dioenez, parte-hartzaileen 1.142k aurrez aurreko kanalen bidez parte hartu zuten, eta 353k, Zeugaz onlineko plataformaren bidez. Guztira, 60 boto baliogabe izan ziren; beraz, 1.435 ekarpen baliodun jaso zituzten. Gainera, aurten elkarte baten ekarpena ere jaso dutela adierazi dute; horrenbestez, 1.436 ekarpen baliodun jaso dituzte guztira.