Diru-laguntza horregaz, federazioak bere funtzionamendu-gastuak ordaindu, federazioa osatzen duten edo etorkizunean osa dezaketen elkarteei lagundu eta aholkularitza eman, eta topaketa zein prestakuntza-guneak antolatu ahal izango ditu.
2021ean, Getxoko Udalak 40.000 euro eman zion federazioari, eta 2023tik hona, urtero 42.000 euro. Helburua beti berdina izan da: atzerriko jatorriko biztanleen eta bertakoen "noranzko biko integrazioa" sustatzea. Horretarako, diru-laguntzagaz prestakuntza-tailerrak, irteerak eta bestelako jarduerak antolatu dituzte.
Getxoko Etorkinen Plataforma Federazioa
Federazioaren estatutuetako helburuen artean etorkinen eta bertakoen arteko integrazioa sustatzea; etorkinen interesak Udalaren eta bestelako erakundeen aurrean ordezkatzea; federazioa osatzen duten elkarteen arteko koordinazioa sustatzea; eta bizikidetza-, harrera- eta sentsibilizazio-programak sustatzea.
Gainera, 2009tik Getxoko migratzaileen elkarteakaz sare-lanean dihardu, eta gaur egun udalerriko hainbat programatan ere parte hartzen du. Esaterako, Bizilagunak kulturarteko bazkariak antolatzen ditu Udalagaz eta Egizu Getxo Euskaldun elkarteagaz batera. Aurtengo edizioa azaroaren 8an egingo dute, Etxean edo txokoan, harremanak elikatzen lelopean, jatorri desberdineko familiak eta taldeak mahai baten inguruan elkartzeko helburuagaz.