Alderdiak azaldu duenez, “Portu-Hiri Jasangarria Getxo/Bilbo: Ikuspegi Integratua 2030+” Master Plana egiteko laguntza teknikoa uztailaren 29an esleitu zen, eta Getxoko Kirol Portuko ingurunea eraldatzeko helburua duen plana egiteko epea hamaika hilabetekoa izango dela aurreikusten da. Mozioaren bidez, Getxoko Udalari zinemen etorkizuna plangintzaren hasieratik kontuan hartzea, Bilboko Portuko Agintaritzaren aurrean zinemak mantentzea defendatzea eta herritarrei zuzendutako erabilerak lehenestea eskatuko dutela adierazi dute Elkarrekin Podemoseko kideek.
Horrez gainera, alderdiak gehitu du zinemak mantentzea herritarren aldarrikapena ere dela. Izan ere, 2024ko urtarrilean 5.000 sinadura baino gehiago bildu zituzten herritarrek zinemak mantentzearen alde, eta eskaera hori aurrekontu parte-hartzaileen prozesuetan presente egon da ere.