Azaroaren 11ko greba orokorra gero eta gertuago dago, eta Algortan mobilizazioa prestatzen jarraitzen dute. Horretarako, Algortako Etxebizitza Greba Batzordeak hirugarren batzar irekia antolatu du azaroaren 3rako, martitzenerako. Hitzordua 19:00etan izango da, Azebarrin, Euskal Herria kaleko 14. zenbakian.
Batzarra herritarrei zabalduta egongo da, eta etxebizitzaren inguruko aldarrikapenak izango dituzte hizpide. Izan ere, greba deialdiak lau eskaera nagusi ditu: etxebizitzaren espekulazioa debekatzea eta espekulatzaileak desjabetzea, etxegabetzeak erabat etetea, alokairuen prezioetan esku hartzea eta etxebizitzak behar sozialen arabera antolatzea.
Deialdiaren bidez, etxebizitzaren inguruko arazoei erantzun kolektiboa eman gura diete. Horretarako, herritarrak antolatzearen eta mobilizazioan parte hartzearen garrantzia azpimarratzen dute.
Azaroaren 3koa Algortako Greba Batzordearen hirugarren batzar irekia izango da, eta azaroaren 11ko grebaren aurretik antolatzeko beste aukera bat eskainiko du.